Љубица Поповска
ЕСЕН
Бреговите ги подаваат рацете
ветровите и виножитото
на есента
Навлегува сегде жолтиот
здив и мирис
и во плодовите на дрвјата.
Исушен е жуборливиот пој
на птиците.
Загубен е звукот на кавалите
и ѕвоната на стадата
по планините.
Потонати се воздишките
на цветовите и
радоста на разиграните птици
во оголените гранки.
Распарталените коси на
маглата
се слеваат како реки
од планините.
Писоците на ветровите
тагуваат по птиците
преселници и
шкрипат со колцата на
колоте селски.
Автор: Љубица Поповска
No comments:
Post a Comment